Диего Симеоне: «Хотиржамман. Жавоб баҳсида уддалаб бўлмас вазифани бажаришга уринамиз»
03 май 2017 09:21
Янгиликлар

Диего Симеоне: «Хотиржамман. Жавоб баҳсида уддалаб бўлмас вазифани бажаришга уринамиз»

«Атлетико» устози Диего Симеоне «Реал»га қарши ўйиндан сўнг (0:3) ўз фикрларини билдирди.

«Биринчи бўлимда иккала жамоа ҳам яхши ўйнамади. Хавфли вазиятлар кам бўлди. Бироқ рақиб гол урди. Гамейрода имконият бўлди, аммо ўша вазиятда Навас жамоасини қутқарди. Иккинчи бўлимда тўп бизда эди, аммо рақиб бўш жойлардан фойдаланиб кетди.

Футбол – ғаройиб ўйин, унда исталган нарса бўлиши мумкин. Ҳамон финалга чиқиш имкониятига эгамиз деб ўйлаяпман. Қийин бўлади, аммо бу футбол.

«Реал» кучлироқ ўйнади, уларни табриклайман. Улар имкониятлардан фойдаланишди.

Хотиржамман. Биз уддалаб бўлмас вазифани амалга оширишга уринамиз. Биз «Атлетико»миз, балки буни амалга ошира олармиз», – дейди Симеоне.