Дидье Дрогба Лионель Мессига фаолиятини якунлашни маслаҳат берди

"Лионель Мессига ҳозир тўхташни маслаҳат берган бўлардим, у шундоқ ҳам футбол учун кўп иш қилди. Сўнгги жаҳон чемпионатидаги ғалаба уни янада афсонавий қилди. У ажойиб ўйинчи!", - деди Дрогба.

37 ёшли Месси 2023 йилнинг ёзидан буён "Интер Майами" сафида ўйнамоқда. Бу вақт ичида у барча турнирларда 49 та ўйинда майдонга тушиб, 42 та гол ва 21 та голли узатмани амалга оширди. Футболчининг клуб билан амалдаги меҳнат шартномаси 2025 йил охиригача мўлжалланган. Transfermarkt порталида келтирилган маълумотларга кўра, футболчининг бозор нархи 20 млн еврони ташкил этади.