Диалло "МЮ" ҳақида: "АПЛда кучли бешликка кирсак, мавсумни омадли деб ҳисобласа бўлади"

"Манчестер Юнайтед" шанба куни "Лидс" билан ўртоқлик учрашувида дуранг ўйнади (0:0). Амад Диалло ушбу ўйиндан кейин янги мавсум бўйича фикр билдирди.

"Агар бешта кучли жамоа сафига кирсак, мавсумни муваффақиятли деб ҳисоблаш мумкин. Умид қиламанки, мавсум якунида кучли бешликка кира оламиз, чунки бунга лойиқмиз деб ўйлайман.

Мухлислар сабр-тоқат қилишлари керак деб ҳисоблайман. Бизда янги мураббий, янги футболчилар ва янги тактика бор. Ўтган мавсум жамоа учун унча омадли бўлмаганини ҳам биламиз. Аммо бу мавсумда янги мураббий билан кўп ютуқларга эришамиз деб ўйлайман ва умид қиламанки, мавсум охиригача кўп натижаларга эришамиз," - деди "Манчестер Юнайтед" ярим ҳимоячиси.