Депай "Лион"дан кетмоқчи эканлигини айтди

"Лион" вингери Мемфис Депай клубдан кетмоқчи. Нидерландиялик футболчи бу ҳақда яқинда бўлиб ўтган интервьюлардан бирида айтди. 

"Мен ўзимни "Лион"да кўрмаяпман. Бу ерда бутун мавсумни ўтказаманми ёки йўқ, буни билмайман. Бу ерда 4 йилни ўтказдим ва сардор бўлдим.

Аммо, "Лион" Чемпионлар Лигасида ўйнамайди ва мен ўзимнинг карьерамни ҳам ўйлашим керак", - дейди Депай.

Олдинроқ, "Барселона"нинг ушбу футболчига қизиқаётгани борасида хабарлар янграган эди.