Де Хеа ўз истагини "Манчестер Юнайтед" раҳбариятига айтди

Аввалроқ, испаниялик манкунианликлар билан 6 йиллик шартнома имзолаши ва энг кўп маош олувчи дарвозабонга айланиши ҳақида хабар берилганди. Де Хеа ўзининг тажрибаси ёш ўйинчиларнинг ривожланишида катта рол ўйнаши мумкин деб ҳисобламоқда.

"Бир қанча ўйинларда сардор бўлдим. МЮ каби клубнинг сардори бўлиш ва унинг шарафини ҳимоя қилиш жуда ажойиб. Албатта, жамоанинг сардори бўлишдан жуда ва жуда хурсанд бўламан. Бу менинг клубдаги 9-мавсумим ва ўзим тажрибали ўйинчилардан бири эканлигимни ҳис қилмоқдаман. Мен буни майдонда исботлашга ва йигитларга ёрдам беришга интиламан", - дейди Де Хеа.

МЮ бош мураббийи Оле-Гуннар Сульшер бу борада бир қарорга келганича йўқ. Аввалроқ, норвегиялик мутахассис ярим ҳимоячи Поль Погба вариантини кўриб чиқаётганди.