Даврон Файзиев: "Машъал" доим ноқулай рақиб бўлиб келган"
30 апр 2016 21:22
Янгиликлар

Даврон Файзиев: "Машъал" доим ноқулай рақиб бўлиб келган"

"Сўғдиёна" - "Машъал" (1:0) учрашувидан кейинги матбуот анжуманида мезбонлар устози Даврон Файзиев қатнашди.

"Машъал" жамоаси доим биз учун ноқулай рақиб бўлиб келган. Андижондаги кутилмаган йирик ҳисобдаги мағлубиятдан кейин мухлисларимиз олдида ғалаба қозонишга ҳаракат қилдик. Улар олдидаги айбимизни ювишга уриндик. Шогирдларим барча кўрсатмаларимни тўғри бажаришди. Олдинда ҳали жуда кўп қийин ўйинлар бор, барчасига тайёр туришимиз керак.

Ўтган ўйинларда 3та қизил карточка олган Акмал Холмуродов ҳақида нима дейман? Акмал мен учун жамоанинг энг муҳим ўйинчиларидан бири. Футболда қизишиб кетиш ва карточкалар бўлиб туради.

"Машъал"да кучли футболчилар кўп, масалан Зоҳир Қўзибоев каби ҳужумчини ўз жамоамда кўришни истардим. Ҳозирча молиявий муаммолар борлигини баҳона қилмоқчи эмасман, вазият шундай. Йигитлар майдонга тушиб ғалаба учун курашишда давом этишади", - дейди Даврон Файзиев.

Ҳавола :

Манба : championat.asia

Янгиликларни Телеграмда ўқинг!

Рейтинг: +4