Даврон Файзиев: “Бу йилги иштирокимиз тасодиф эмаслигини исботламоқчиман”

- Қуръа ташлаш маросимида мураббийлар ўзаро фикр алмашиб чемпионат тизимига кичик бир ўзгартириш киритилди. Энди Иккинчи давранинг биринчи баҳси чемпионатдаги биринчи турда ўйнаган жамоа билан давом эттирилади. Ўйлайманки бу – чемпионатга бўлган қизиқишни ортишига сабаб бўлади.

- Қуръа натижаларига кўра эътироз бўлиши мумкин эмас. Бу йил чемпионатнинг биринчи ўйинида “Бунёдкор”га қарши ўйнаган эдик. Келаси мавсумни эса ўз майдонимизда бошлайдиган бўлдик.

- Чемпионатнинг илк учрашувини ўз майдонингда ўтказиш яхши. Ҳар холда ўз уйингда деворлар ҳам ёрдам беради деган гап бор. Мухлисларнинг олқиши туфайли ҳам ғалаба қозониш осонроқ бўлади. Лекин сафарда ўйнашнинг ҳам фойдали томонлари бор. Ортиқча босим бўлмайди. Умуман олганда қаерда ўйнашнинг  аҳамияти юқори эмас. Шунингдек қайсидир жамоа билан тўқнаш келиш муҳим эмас. Чунки қачондир барибир ўша клубга қарши ўйнаш керакку. Шу боис бу борада ортиқча эътироз йўқ.

- Насиб қилса келаси мавсумда ҳам муносиб иштирок этиб, жорий чемпионатда қайд этган натижамиз тасодиф эмаслигини исботламоқчиман.

Исломбек Рустамбеков суҳбатлашди