Дарвоза ҳимоячилари тўпни ишғол қиладими? ("Эл Класико"ни кўриш керак)

Сўнгги пайтларда сенсациялар ҳар куни, ҳар соатда содир бўляпти. Топ-лигалардаги турнир жадвали, гранд клубларнинг шармандали мағлубиятлари-ю аутсайдерларнинг романтик ўйинларини қўя туринг. Келинг, Мадриднинг "Реал"и ҳақида гаплашамиз. Бироз аввал якунига етган баҳсда Чемпионлар Лигасининг 13 карра ғолиби "Шахтёр" имтихонидан қониқарсиз баҳо олди, ўйиннинг биринчи тайми украинларнинг мутлақ устунлиги остида ўтди. Эслатиб ўтамиз, "қаймоқранглилар" 4 кун олдин "Кадис" деган жамоага ҳам енгилишган эди. 

Умуман олганда, Криштиану Роналду Туринга қўйиб юборилгач, бундай мағлубиятлар "Реал" учун одатга айланиб қолгандек. 2 йил олдин ЦСКА ҳам Мадридда "қироллик клуби" дарвозасига жавобсиз 3 гол ургани ёдингизда бўлса керак. 

Таркибининг потенциали бўйича Европада ҳар ким билан баҳслаша оладиган Мадрид грандининг кутилмаган мағлубиятларига назар солсангиз, айнан ўша ўйинларда футболчиларга хафсала етишмагандек туюлаверади. Солиштириб кўринг: 4 йил олдин "Реал" бир ўйинда еттиталаб голлар уриб ташларди. Ҳозир мадридликлар рус-украин клубларидан ҳам чўчиб майдонга тушади. Буни турлича изоҳлаш мумкин.

1. Клуб ўз сиёсатини ўзгартириб, асосан, катта юлдузлардан қочиш ва иқтидорли ёшларга эътибор қаратишни бошлагани. Сўнгги 5 йилда қуйидаги футболчиларни таркибга жалб қилди: Ковачич, Вальехо, Асенсио, Себальос, Тео Эрнандес, Лунин, Б. Диас, Винисиус, Одриосола, Кубо, Родриго, Рейнер. Аммо уларнинг аксари таркибдан жой топа олмади ёки ҳамон ўсиш жараёнини бошдан ўтказяпти. 

2. Роналдудан кейин жамоани ўз елкасида кўтариши учун харид қилинган суперюлдуз Гарет Бэйл футбол ўйнашни унутиб қўйди.

3. Ҳужумда масьулиятни ўзига олиши ва Бензаманинг елкасидаги юкни камайтириши учун харид қилинган яна бир суперюлдуз Эден Азар йўқолиб қолди...

Сабаблар кўп. Бир нарса аниқ, Зиданнинг бугунги "Реал"и олдингисидан 2, 3, 5, 10, балки, 100 марта кучсизланиб кетган. Лекин, тан олиш керак, 5 йилда 4 бор Чемпионлар Лигасини ютган "қироллик клуби" қачондир пастга шўнғиши аниқ эди. Бу жамоа шунчалик юқорилаб кетган эдики, инқирози ҳам шунга яраша бўлди. Бу шунчалик катта клубки, инқироз даврида ҳам Ла Лигани юта олади. Қачондир бу инқироз ҳам тугайди, "Реал" яна чўққига чиқади. Бунга ишонамиз. Аммо, унгача 24 октябрь кунига белгиланган "Барселона" тўсиғи бор. Каталония томонлардаям аҳвол яхшимас. Айтишларича, сувлар тескари оқаётган экан. Бу наватдаги "Эл Класико" олдингиларидан фарқ қилишини билдиради: сўнгги йилларнинг энг кучсиз "Барса"си охирги йилларнинг энг кучсиз "Реал"ига қарши ўйнайди. 

Аллақачон ўзининг сенсацияларига ўргатиб қўйган еврофутбол "Ал Мумтоз" учун нималарни ваъда қиляпти? Кутамиз, кузатамиз. Профессионал клубларимиздан бирининг матбуот хизмати ёзганидек, дарвоза ҳимоячилари тўпни ишғол қилиб қўймаса, бўлгани. Қолган барчасига розимиз:)

Барселона Ансу Фати - 8'

Примера Дивизион . 7-тур 24/10/2020, 20:00 3 : 1 Тугади

Реал Мадрид Федерико Вальверде - 5', Серхио Рамос - 63', Лука Модрич - 90'

Стадион: Camp Nou, 0 томошабин

Бош ҳакам: Juan Martinez

45'

90'

8'  Ансу Фати

8'  Жорди Альба

29'  Клеман Лангле

62'  Жорди Альба

82'  Ансу Фати (Антуан Гризманн)

82'  Серхио Бускетс (Франсишку Тринкан)

82'  Педри (Усман Дембеле)

87'  Жорди Альба (Мартин Брейтуэйт)

90'  Лионель Месси

5'  Федерико Вальверде

5'  Карим Бензема

19'  Каземиро

37'  Начо Фернандес

43'  Начо Фернандес (Лукас Васкес)

63'  Серхио Рамос

69'  Федерико Вальверде (Лука Модрич)

81'  Марко Асенсио (Родриго)

90'  Лука Модрич

90'  Родриго

Матч-центрда очиш

"Реал"нинг бугунги ҳолатини қандай баҳолайсиз? "Барселона"га қарши ўйиндан нималар кутяпсиз?

Фахриддин Рўзиев