Дамир Темиров: "Шацкихни бир сўз билан айтганда — топ мураббий"

16-турда ўз майдонида "Қўқон-1912"ни қабул қилган "бургутлар" 3:0 ҳисобида ғалаба қозонди. Бу ўйинда мезбонлар сафида Дамир Темиров дубль муаллифига айланди. Ярим ҳимоячи ўтган учрашув ҳақида фикрларини билдирди:

— "Қўқон-1912" билан ўйин илиқ таассурот қолдирди. Мухлислarga қўллаб-қувватлашгани учун раҳмат айтиб қоламан. Биз бундай атмосферада янада олдинга қадам ташлаймиз.

Янги мураббийга келсак, Максим Шацких — бир сўз билан айтганда, топ мураббий. Биз ҳар бир ўйинда рақибга алоҳида тактика тайёрлаймиз. Умуман олганда, бу мураббийнинг иши, биз фақат кўрсатмаларни бажаришимиз керак.

Жамоамизнинг салоҳияти юқори. ОЧЛда ҳам ҳар бир ўйинда ғалаба қозонишни мақсад қилганмиз, — дейди Дамир Темиров.

Маълумот учун, "Андижон" навбатдаги учрашувини 7 август куни "Насаф"га қарши ўтказади.