UZ

Сўнгги янгиликлар

08:20Қатар Юлдузлар лигаси. Бугун Сардор Рашидов жамоаси чемпионат аутсайдери билан ўйнайди  0 08:00Бугун Россия Суперкубоги учун баҳс бўлади. Жалолиддинов майдонга тушиши мумкин  4 07:40Серхио Регилон: "Севилья" Европа Лигасида ғолиб чиқишни истайди"  2 07:20"Манчестер Юнайтед" Жесси Лингардни сотишга тайёр  1 07:02Шохжаҳон Аббосов: "Жорий мавсумда ПРО-Лигада кучли жамоалар жам бўлган, рақобат жуда қизғин бўлмоқда"  3 06:40Европа Лигаси. "Вулверхэмптон" - "Олимпиакос" 1:0  0 06:35Европа Лигаси. "Базель" - "Айнтрахт Франкфурт" 1:0  0 06:30Европа Лигаси. "Севилья" - "Рома" 2:0  0 06:25Европа Лигаси. "Байер" - "Рейнджерс" 1:0  0 03:00Olamsport: Бектемир Мелиқўзиевнинг нокаутларидан видео, Забит UFC чемпионини жангга чорлади ва бошқа хабарлар  0 02:40"Ростов" президенти Шомуродовни 15 миллион еврога ҳам сотмоқчи эмас  12 02:10Европа лигаси. 1/4 финалнинг барча иштирокчилари маълум бўлди  8 01:26Зидан: "Реал" жуда ноқулай ҳолатда, ўйин биз учун финалдек ўтади"  19 01:04Ўзбекистон МТЖ - Ўзбекистон U-19 - 3:2. Барча голларни томоша қилинг  7 00:48"Тоттенхэм" ва "Эвертон" Бэйлига даъвогарлик қилмоқда   1

Coca Cola Суперлига. 8-тур якунлари (фақат рақамлар) Янгиликлар

Coca Cola Суперлига. 8-тур якунлари (фақат рақамлар)

6-7 июль кунлари Coca Cola Суперлигасида 8-тур ўйинлари бўлиб ўтди.

Одатимизга кўра бўлиб ўтган турда кузатилган рақамлар, қизиқарли сериялар, статистик маълумотларни ўқувчилар эътиборига тақдим этамиз. 


0 - АГМК клуби бу йилги Ўзбекистон чемпионатида умуман мағлуб бўлмаган ягона клуб бўлиб турибди.

1 - "Бунёдкор" клуби бу мавсум ўз майдонида ўтган ўйинларда умуман гол ўтказмаган эди. "Навбаҳор" ҳимоячиси Игорь Голбаннинг урган голи ушбу серияга барҳам берди. Энди бу мавсум ўз майдонида гол ўтказмаган битта жамоа қолди: "Навбаҳор".

1 - "Қўқон-1912" легионери Якуба Бамба АГМК билан ўйинда гол уришга эришди. Шу тариқа африкалик футболчи Ўзбекистон чемпионатида ўзининг биринчи голини урди. Бундан ташқари ушбу гол "Қўқон-1912" учун бу мавсум сафарда урилган дастлабки гол бўлди.

5 - Равшан Ҳайдаров Термизнинг "Сурхон" клубида иш бошлади. Мураббий "Локомотив"га қарши баҳсда термизликлар устози сифатида дебют қилди. Шу тариқа Равшан Акмалович Ўзбекистон чемпионатида бешинчи клуб бош мураббийига айланди. Бунга қадар Ҳайдаров "Трактор", "Пахтакор", "Қизилқум" ва "Динамо" клубларини бошқарган. 



8 - "Қизилқум", "Бухоро" ва "Андижон" клубларининг ғалабасиз серияси 8та ўйинга етди. Яъни бу клублар 2020 йилги Ўзбекистон чемпионатида ҳали умуман ғалаба қозона олишмади.

8 - Олмалиқнинг АГМК клуби 8та турнинг барчасида рақиб дарвозасига гол уришга эришган ягона клуб бўлди. Дастлабки 7та турда гол урган "Металлург" Қаршида "Насаф"га гол ура олмади.

15 - "Навбаҳор" клуби бу турни Тошкентда "Бунёдкор"га қарши ўтказиб 1:3 ҳисобида мағлуб бўлди. Шу тариқа "Лочинлар" ушбу жамоа майдонидаги 15-учрашувда ҳам ғалаба қозона олишмади: 13та мағлубият ва 2та дуранг.

50 - Драган Черан "Машъал"га қарши Ўзбекистон чемпионатида "Пахтакор" сафида ўзининг 50-учрашувини ўтказди. Шу куни гол урган Черан клуб таркибдаги ўзининг голлари сонини 34тага етказиб олди.




62 - АГМК ярим ҳимоячиси Санжар Турсунов "Қўқон-1912" дарвозасига тахминан 62 метрдан гол уришга муваффақ бўлди.



115 - Қаршининг "Насаф" клуби якунланган турда "Металлург"ни мағлуб этди. Шундай қилиб Рўзиқул Бердиев шогирдлари рестартдан сўнг биринчи ғалабани тантана қилишди. "Аждарлар" охирги марта 115 кун аввал 3-турда "Сурхон"ни мағлуб этишганди.

200 - Бекободнинг "Металлург" клуби дарвозабони Александр Лобанов "Насаф" билан ўйинда Ўзбекистон чемпионатидаги ўзининг юбилей 200-учрашувини ўтказди. Лобанов бунга қадар "Сўғдиёна", "Бухоро" ва "Пахтакор" клубларида ўйнаган.



275 - Навоийнинг "Қизилқум" клуби вакили Шерали Жўраев "Андижон"га қарши Ўзбекистон чемпионатида ўзининг 275-учрашувини ўтказди ва ўзининг 13-голини уришга эришди.

429 - "Қизилқум" клуби мазкур турда "Андижон" билан 1:1 ҳисобида дуранг ўйнади. Ўйиннинг 69-дақиқасида Шерали Жўраев мезбонларни ҳисобда олдинга олиб чиқди. Шундай қилиб сўнгги 4та ўйинда умуман гол ура олмаган "Қизилқум"нинг 429 дақиқа давом этган голсиз серияси тугади.

498 - "Бухоро" клуби 8-турни Жиззахда "Сўғдиёна"га қарши ўтказиб 1:3 ҳисобида мағлуб бўлди. Мазкур баҳсда меҳмонлар вакили Бобурбек Фарҳодов 48-дақиқада гол уришга эришди. Бу гол "Бухоро"нинг ушбу мавсумда сафарда урилган дастлабки гол бўлди. Шу тариқа бухороликларнинг сафардаги 498 дақиқа давом этган голсиз серияси барҳам топди.

714 - "Бунёдкор" ҳимоячиси Дилшодбек Аҳмадалиев бу тур "Навбаҳор"га гол уришга эришди. Футболчи сўнгги бор Ўзбекистон чемпионатида 714 кун олдин гол урган эди. Қизиғи ўшанда ҳам рақиб "Навбаҳор" бўлган экан.


Муаллиф : Narzulla Saydullayev
Рейтинг: +4   

Фикрлар

+2   
09 июл 11:31:04
M_A_N_C_H_E_S_T_E_R UNITED FC
yaxshi narsa chiqaribsizlar shu day yzib turing
   
09 июл 15:24:50
sharipov odil
M 1960 фойдаланувчининг фикрига жавоб бериш
Қачон Лобанов Жиззахда ўйнаган, тушунмадим.
2005-2006
   
09 июл 14:27:48
Согдиана Джизак
M 1960 фойдаланувчининг фикрига жавоб бериш
Қачон Лобанов Жиззахда ўйнаган, тушунмадим.
Лобанов Сугдиенадан чиккан маълумот учун.
   
09 июл 13:49:02
Utkirbek lochinlar
Rahmat sizlarga.
   
09 июл 13:26:20
SHOH.MAN_UNITED
Чемпионат бўляптими ҳалиям.
   
09 июл 12:02:52
M 1960
Қачон Лобанов Жиззахда ўйнаган, тушунмадим.
   
09 июл 11:07:38
Che Guevara
Lobanov Buxoroda o'ynamagandi shakilli
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг