МЛС клубининг расмий сайти нидерландиялик 49 ёшли мутахассиснинг ишдан бўшатилганини маълум қилди.
"Цинциннати" МЛСнинг сўнгги учта ўйинда мағлуб бўлди. Жамоа Шарқий Конференция турнир жадвалида охирги ўринни эгаллаб турибди.
Яп Стам 2020 йил май ойидан бери Америка клубини бошқармоқда. Нидерландиялик мураббий қўл остидаги жамоа 47 ўйинда 8 ғалаба, 12 дуранг ва 27 мағлубият қайд этган.
Эслатиб ўтамиз, Яп Стам футболчи сифатида "Манчестер Юнайтед", "Лацио" ва "Милан"даги ўйинлари билан машҳур саналади.
