Чили футбол федерацияси миллий терма жамоанинг янги бош мураббийини эълон қилди
09 янв 2018 11:27
Янгиликлар

Чили футбол федерацияси миллий терма жамоанинг янги бош мураббийини эълон қилди

Колумбиялик мутахассис Рейнальдо Руэда Чили терма жамоаси бош мураббийи этиб тайинланди.

Бу ҳақда Чили футбол федерациясми матбуот-хизмати маълум қилди. Мутахассис билан тузилган шартнома ЖЧ-2022 саралаши якунигача амал қилади. Агар жамоа мундиалга чиқса, келишув узайтирилади.

Чили терма жамоаси Хуан Антонио Пицци истеъфога чиқарилганидан сўнг бош мураббийсиз қолган эди. Чилиликлар унинг қўл остида Россияда бўлиб ўтадиган ЖЧ-2018 йўлланмасини қўлга кирита олмади.

60 ёшли Руэда Гондурас терма жамоасини ЖАРда бўлиб ўтган ЖЧ-2010га олиб чиққан. Мутахассиснинг фаолиятидаги энг катта муваффақият "Атлетико Насьонал" билан Либертадорес Кубогидаги ғалаба (2016) ҳисобланади.

Ҳавола :

Манба : championat.asia

Янгиликларни Телеграмда ўқинг!

Рейтинг: +2