Черчесов: "Салаҳни тўхтата оламиз"

"Биз ҳар бир жамоани ўрганамиз, уларнинг ҳар бирида алоҳида эътибор қаратиш лозим бўлган ўйинчилар бор. Миср терма жамоасида Салаҳ ажралиб туради, лекин биз бир футболчига эмас, бутун жамоага қарши ўйнаймиз.

Рамос Салаҳни атайлаб жароҳатламади, бу шундай спорт тури, бунақаси бўлиб туради. Умид қиламиз, эртага у соғлом ҳолда бўлади ва мухлисларни мамнун этади. Бундай ўйинчилар Жаҳон чемпионатини безайди.

Салаҳни қандай тўхтатамиз? Мен ўз жамоамга ва ўйинчиларимга ишонаман. Жавоб оддий: биз уни тўхтатишга тайёрмиз ва буни бажарамиз", - деди Черчесов.

Олдинроқ, Миср футбол федерацияси Муҳаммад Салаҳ Россияга қарши ўйнашга тайёр эканлигини тасдиқлаган эди.