Чемпионатдан олинишни истаган Хитой клуби президенти истеъфога чиқди

Шанба куни "Баодинг" клуби "Ухань Чжоэр"ни қабул қилди. Мезбонлар 2:1 ҳисобида ғалаба қозонаётган эди, аммо бош ҳакам иккинчи бўлимга 7 дақиқа қўшди ва шубҳали пенальти қўйди. Учрашув дуранг билан якунланди. 16 турдан сўнг "Баодинг" турнир жадвалида 10 очко билан сўнгги ўринни эгаллаб турибди.

"Президент Мэн ўзи хафа қилган инсонлар олдида узр сўрайди. Биз спорт қоида ва тартибларини ҳурмат қиламиз ва майдонда содир бўлган воқеалар ўрнатилган қоидалар орқали муҳокама қилиниши керак. Клуб тўхтовсиз қўллаб-қувватлаш учун мухлисларга миннатдорчилик билдиради. Истеъфо тез орада ўтиб кетади деган умиддаман" - дейилади жамоа баёнотида.

Мэн Юнли аввалроқ кескин фикр билдирган эди: "Биз шунчаки адолатни истаймиз. Учрашув натижасини ҳеч ким ўзгартира олмайди, аммо тушунтириш талаб қиламиз. Бундай футбол ўйнаб бўлмайди. Қандай қилиб иштирокимизни давом эттирамиз? Футболчиларимизни ким ҳимоя қилади? Биз чемпионатда ўйнамаймиз. Бундай давом этишини истамаймиз".