"Челси" собиқ устози "Лион"ни бошқариши мумкин

"Брайтон" ва "Челси" клублари собиқ бош мураббийи Грэм Поттер "Лион" бошқарувига келиши мумкин. Бу ҳақда "L'Equipe" хабар бермоқда.

Клуб эгаси Жон Текстор аллақачон мутахассис билан музокаралар ўтказган.

"Тўқувчилар" раҳбарияти бош мураббий Лоран Блан ишидан норози. Жамоа янги мавсумни ёмон бошлади, яъни 4 турда бор-йўғи 1 очко тўплади. "Лион" ҳозирда Лига 1 турнир жадвалида 20-ўринда бормоқда.

"Тўқимачилар" раҳбарияти қизиқишлари доирасида Уильям Стилл ва Тьяго Мотта ҳам бор, аммо Поттер улар орасида устувор номзод. Англиялик мутахассисга ўйлаш учун вақт берилди.