"Челси" Осимхен учун 170 млн евро таклиф қилишга тайёр

Бу ҳақда "Todofichajes" хабар бермоқда.

Манбанинг хабарига кўра, "Челси" қишки трансфер ойнасида ҳужум чизиғини кучайтиришни ўйлаб, 24 ёшли нигериялик футболчини сафига қўшиб олмоқчи. Қайд этилишича, Лондон жамоаси раҳбарияти футболчи учун тахминан 170 миллион евро таклиф қилишга тайёр.

Олдинроқ Осимхеннинг "Наполи"ни тарк этиши мумкинлиги маълум бўлганди. Неаполликлар ўзларининг ижтимоий тармоқларида форвард ҳақидаги ҳажвий видеони жойлаштирганидан сўнг томонлар ўртасида можаро келиб чиққан.

Эслатиб ўтамиз, Осимхен "Наполи"да 2020 йилдан буён ўйнаб келмоқда. У клуб сафида жами 108 та ўйин ўтказиб, 63 та гол урган ва 15 та голли узатмани амалга оширган. Футболчи ўтган мавсум клубга Италия чемпиони бўлишга ёрдам берди.