Гиу 2024 йилнинг ёзида "Барселона"дан 5 миллион фунт эвазига ўтганидан сўнг "Челси" сафида 29 та ўйинда майдонга тушиб, 8 та гол урди.
Гиу "Челси"да ўз салоҳиятини тўлиқ намоён эта олмади, ўтган мавсумнинг биринчи ярмида "Сандерленд"да ижара асосида ўтказган даври эса Марк учун мутлақо омадсиз бўлиб чиқди.
“The Athletic” нашри хабарига кўра, "Лейпциг" Гиу учун тахминан 16 миллион евро (13,7 миллион фунт) тўлайди, шунингдек, 20 ёшли испаниялик футболчи келгусида бошқа клубга қайта сотилган тақдирда, ундан тушган маблағнинг салмоқли қисмини "Челси" билан бўлишиш мажбуриятини олади.
Қўшимча қилиш жоизки, дастлаб "Челси" Гиуга қизиқиш билдирган клублардан 25 миллион фунт талаб қилганди, бироқ трансфер муддати тугаши яқинлашгач, нархни туширишга мажбур бўлди. Бундан "Лейпциг" унумли фойдаланиб, футболчи билан 2031 йилгача мўлжалланган битим имзолади.
