Чақир Туркия Суперлигаси ҳакамлари рўйхатидан чиқарилди. У фаолиятини Осиёда давом эттиришга яқин

Туркия футбол федерацияси ҳакамлар марказий кенгаши билан маслаҳатлашган ҳолда Суперлигадаги 13 ҳакамни рўйхатдан чиқарди.

Бу рефериларнинг ўйинлардаги ҳаракати, ёши ва клублардан тушган эътирозлар туфайли юз бергани айтилмоқда. Демак, мазкур арбитрлар мавсум охирига қадар Туркия Суперлигаси учрашувларини бошқармайди: Жунейт Чақир, Али Палабийик, Абдулқодир Битиген, Фират Айдинус, Баҳаттин Шимчек, Бурак Шекер, Суат Арслонбога, Хусейн Гёчек, Мерт Гузенге, Тугай Кан Нуманўғли, Алпер Улусой, Ҳалис Ўзкая (VAR).

Қайд этилишича, Жунейт Чақир ҳакамлик фаолиятини Саудия Арабистони чемпионатида давом эттиришга яқин. Томонлар музокаралар олиб бормоқда. 45 ёшли рефери Туркиядаги ўйинларда ишлай олмаса ҳам, Қатардаги мундиалга йўл олиши кутилмоқда.