Championat.asia хабари тасдиқланди: Анвар Бердиев - "Турон" мураббийлар штабида иш бошлади
05 июн 2021 11:04
Янгиликлар

Championat.asia хабари тасдиқланди: Анвар Бердиев - "Турон" мураббийлар штабида иш бошлади

Фаолияти давомида “Насаф", "Бунёдкор" ва "Нефтчи" каби номдор клубларда ўзининг ёрқин ўйинлари билан мухлислар меҳрини қозонган таниқли мутахассис Анвар Бердиев "Турон" клуби мураббийлар штабида иш бошлади.

Истеъдодли мураббий бугунга қадар "Истиқлол" ва "Бухоро" клубларида бош мураббий сифатида ишлаган. Шунингдек Анвар Бердиев миллий чемпионатларимизда 500 тадан кўп ўйин ўтказган футболчи сифатида тарихда қолган. Бердиев жамоа ҳужум чизиғини янада кучайтириш мақсадида клуб тизимига ёрдамчи мураббий сифатида жалб этилди.

"Турон" футбол клуби барча мухлислар номидан Анвар Бердиевнинг жамоадаги фаолиятида улкан муваффақиятлар ёр бўлишини тилайди. "Турон"га хуш келибсиз Анварбек Курбонович", - деб ёзади "Турон" матбуот хизмати.

Эслатиб ўтамиз, кеча championat.asia сайтида Анвар Бердиев "Турон"да иш бошлашга яқин эканлиги ҳақида хабар чиққанди.

Ҳавола :

Манба : championat.asia

Янгиликларни Телеграмда ўқинг!

Рейтинг: +5