Чалханоглу: "Мақсадим - Чемпионлар Лигасида ғалаба қозониш"

"Биз ҳаммасини ютишга умид қиламиз. Шубҳасиз, биз "Интер"ни энг яхши жиҳатдан кўрсатишга ҳаракат қиляпмиз, зиммамизда улкан масъулият бор. Италияда мен ҳамма нарсани ютиб бўлдим. Мақсадим - Чемпионлар Лигасида ғолиб бўлиш. Икки йил олдин финалда ютқазганимизни ҳисобга олсак, менинг орзуим у ерга қайтиб, бош совринни ютиш, шунингдек, "Олтин тўп"ни қўлга киритишдир. Кейин эса яна скудеттони қўлга киритиш - бу яна бир муҳим мақсад," - деди футболчи.

31 ёшли туркиялик жорий мавсум барча мусобақаларда 32та ўйин ўтказиб, 9та гол урган ва 4та голга ҳаммуаллифлик қилган.

"Интер" Чемпионлар лигаси 1/4 финалида "Бавария" билан тўқнаш келади. Дастлабки ўйин 8 апрель куни Мюнхенда бўлиб ўтади.