"Бухоро": "Қизилқум"га қарши баҳсга тайёргарлик бошланди

Улуғбек Бақоев бошқарувидаги жамоа бу сафар ўз уйида Навоийнинг "Қизилқум" клубини қабул қилади. Мазкур баҳсга бўлган қизиқиш юқори. Боиси аввалдан ушбу жамоаларнинг тўқнашуви шиддатга бой ва муросасиз тарзда ўтиб келган. "Бухоро" жамоаси аъзолари куни-кеча клуб қароргоҳида йиғилди ва бўлажак баҳсга тайёргарликни бошлаб юборди. Табиийки ўтган турда сафарда қўлга киритилган ғалаба жамоанинг турнир жадвалида 2-ўринга кўтарди. Шу сабабли айни дамда барчанинг кайфияти юқори дейиш мумкин. Таркибда ҳеч қандай муаммо йўқ. Сариқ карточкалари сони 4тага етгани туфайли "Обод"га қарши ўйинни ўтказиб юборишга мажбур бўлган иқтидорли ҳимоячи Эргаш Исмоилов яна сафга қайтди ва у "Қизилқум" билан учрашувда бемалол жамоага ёрдам бериши мумкин.
Эслатиб ўтамиз, "Бухоро" биринчи даврада Навоийда "Қизилқум"ни Иворь Вейцар томонидан киритилган ягона гол эвазига мағлуб этиб қайтганди.   



"Бухоро" - "Қизилқум" учрашувини боқшариб борувчи ҳакамлар маълум.

26.08.2017 йил
Олий лига 19-тур

"Бухоро" (Бухоро) – "Қизилқум" (Навоий)

Бош ҳакам: Азиз Асимов (Тошкент).

Қанот ҳакамлари: Расул Фозилов (Наманган), Мўминжон Мажидов (Наманган).

Захира ҳаками: Наим Қосимов (Қарши)

Назоратчи: Бахтиёр Тоғаев (Тошкент).

ЎзПФЛ вакили: Фарҳод Магаметов.