"Бунёдкор" ва "Локомотив" Ўзбекистон кубогида қандай иштирок этишган?

“Локомотив” клуби кубокда фақат сўнгги йилларда юқори натижаларга эришди. "Темирйўлчилар" дастлабки йилларда асосан дастлабки босқичлардан мусобақани тарк этишган. 2010 йил клуб ўз тарихида илк бор ярим финалга чиқди. Ўша йил "Локо" икки ўйин натижасига кўра "Шўртан"га ютқазиб қўйиб финалга чиқа олмаганди. Ўтган йил ҳам "темирйўлчилар" ярим финалга чиқишганди. Аммо бу сафар "Бунёдкор"га имконият бой берилган ва иккинчи бор ярим финалдан ўта олишмаган.

«Локомотив» (Тошкент)
Йил	Натижа
2013	Ярим финал
2012	1/4 финал
2011	1/8 финал
2010	Ярим финал
2009	1/16 финал
2008	1/16 финал
2007	1/16 финал
2006	1/8 финал
2005	1/4 финал
2004	1/4 финал
2003	1/32 финал

“Бунёдкор” клуби Ўзбекистон миллий чемпионатидан ташқари кубогида ҳам анчайин муваффақиятли тарзда иштирок этиб келмоқда. Клуб фақат дастлабки мавсумда 1/16 финалда курашдан чиққан. Шундан сўнг бўлиб ўтган 4 мавсум давомида “Бунёдкор” кетма-кет равишда финалларда иштирок этган. Икки марта Ўзбекистон кубогида зафар қучиш (“Пахтакор” ва “Шўртан”ни енгиб) насиб этган бўлса, қолган иккита финалда “Пахтакор”га имконият бой берилган. 2011 йилги мавсумда эса ушбу анъана барҳам топди. “Насаф” ярим финалда “Бунёдкор” йўлига тўғаноқ бўла олганди. 2012 йил эса “қалдирғочлар” “аждарлар”дан бир йил олдинги ярим финалдаги мағлубият аламини олишди – 3:0. Ўтган йил ҳам финалда "Бунёдкор" айнан "Насаф" билан ўйнаган ва 2:1 ҳисобида зафар қучганди.

«Бунёдкор» (Тошкент)
Йил	Натижа
2013	Чемпион
2012	Чемпион
2011	Ярим финал
2010	Чемпион
2009	Финалчи
2008	Чемпион
2007	Финалчи
2006	1/16 финал