“Бунёдкор” Сергей Симоненко билан шартнома тузди

Дубайда ўтган йиғинда “қалдирғочлар” сафига келиб қўшилган Сергей Симоненконинг ҳатти-ҳаракатларини мураббийлар штаби синчиковлик билан кузатишди. У Россиянинг “Динамо” ва “Спартак”, Польшанинг “Ягеллония” ҳамда Болгариянинг “Локомотив” (София) клублари билан учрашувларда иштирок этиб, яхши таассурот қолдирди.

Кеча “Бунёдкор” ФК ва Сергей Симоненко ўртасида шартнома имзоланди.

Шундай қилиб, "Бунёдкор"нинг хорижий легионерлар учун ажратилган лимитида яна битта бўш жой қолди.

Эътиборингизга “Бунёдкор”нинг янги аъзоси ҳақида маълумот бериб ўтамиз.

Тўлиқ исми: Сергей Юрьиевич СИМОНЕНКО
Туғилган санаси: 12.06.1981
Туғилган жойи: Купянск (Украина)
Фуқаролиги: Украина
Амплуаси: Ҳимоячи
Бўй: 190 см
Вазни: 83 кг

Футболчилик фаолияти:

Йил	Жамоа	Ўйин	Гол
1999-2001	“Торпедо” (Москва, Россия)	9	2
2002	“Алания”  (Владикавказ, Россия)	5	0
2002-2007	“Черноморец” (Одесса)	95	4
2007-2012	“Арсенал” (Киев)	124	7
2013	“Севастополь” (Севастополь)	19	1

Украина терма жамоаси сафида икки учрашувда майдонга тушган.