“Бунёдкор” “Қўқон-1912”нинг сербиялик ҳужумчисига қизиқиш билдиряпти
08 янв 2018 23:44
Янгиликлар

“Бунёдкор” “Қўқон-1912”нинг сербиялик ҳужумчисига қизиқиш билдиряпти

Бошқа етакчи жамоаларга қараганда трансфер бозорида суст ҳаракат қилаётган “Бунёдкор” ўз сафига сербиялик ҳужумчини қўшиб олиши мумкин.

“Қалдирғочлар” Қўқоннинг “Қўқон‑1912”жамоаси ҳужумчиси Филип Райевацга қизиқиш билдиришяпти. Ҳозирда футболчи Сербияда хордиқ чиқармоқда ва тез орада қўқонликлар машғулотига келиб қўшилиши керак.

“Қўқон-1912” бош мураббийи Нўъмон Ҳасановнинг айтишича, Райевац катта эҳтимол билан мавсумни Қўқонда бошлайди. Филип жароҳати бўлишига қарамай, ўтган мавсум олий лигада 7та гол киритган эди.