UZ

Сўнгги янгиликлар

02:36ЖЧ-2026 саралаши. БАА Ўзбекистон ва Қирғизистонга қарши ўйинлар учун таркибини эълон қилди  5 02:29Баҳром Ҳайдаров: "Навбаҳор" каби жамоага қарши ўйинда 0:3 ҳисобидан кейин ўйинга қайта олиш жуда қийин"  1 02:25Ла Лига. "Барселона" мавсумдаги сўнгги ўйинда меҳмонда "Атлетик"ни йирик ҳисобда мағлуб этди  10 02:11А Серия. "Рома" сўнгги турда "Торино"ни мағлуб этди, аммо параллель ўйинда "Юве" меҳмонда "Венеция"ни мағлуб этиб, тўртинчи ўрин билан ЧЛга йўл олди  32 01:32Сергей Лушан: "Мен бу масалада ҳоким билан кўп гаплашганман. Буни аллақачон амалга ошириш керак эди"  1 01:11Гёкереш "Спортинг" ва Швеция сафида мавсумдаги 63-голини урди - бу сафар Португалия кубоги финалининг 100-дақиқасида пенальти орқали  0 00:53Камолиддин Тожиев: "Муҳими уч очкони қўлга киритдик. Ўн нафар футболчимиз терма жамоаларга йўл олишади"  17 00:31Ҳаким Фузайлов: "Жамоам намойиш этган ўйиндан уялмайман"  3 00:24"Ливерпул"га АПЛ ғолиблиги учун кубокни қабул қилиб олди  9 23:32U-17 Жаҳон чемпионатига қуръа ташланди. Ўзбекистон "J" гуруҳидан жой олди  21 23:14Туркия Суперлигаси. "Ризеспор" меҳмонда сенсацион тарзда "Бешиктош"ни таслим этди, Алиқулов сўнгги дақиқаларда майдонга туширилди  0 23:00Суперлига. "Динамо" 90+8-дақиқада камбэк эвазига "Қизилқум"ни мағлуб қилди  39 22:11ҚПЛ. "Турон" ўз уйида "Тобол"га мағлуб бўлди, мезбонлар сафида уч ўзбекистонлик ҳаракат қилди  0 22:06АПЛда 2024/25 йилги мавсум якунланди, МЮ сўнгги турда "Астон Вилла"ни ЧЛсиз қолдирди  42 21:58Суперлига. "Пахтакор" 90+8 дақиқада урилган автогол эвазига "Хоразм"ни мағлуб этди  96

"Бунёдкор" катта мураббийи Марат Мифтахутдинов: "Одатда клубга келган янги инсонлар янгилик қилишга интилишади. Бизда эса сукунат" Янгиликлар

"Бунёдкор" катта мураббийи Марат Мифтахутдинов: "Одатда клубга келган янги инсонлар янгилик қилишга интилишади. Бизда эса сукунат"

"Бунёдкор" жамоасида муаммолар кундан кунга кўпайса кўпаймоқдаки, асло бартараф этилаётгани йўқ.

Кеча "Бунёдкор" ва АГМК жамоалари ўртасидаги учрашувдан сўнг футболчи ва мураббийларнинг юзидаги кайфиятга қараб бўлмас эди. Гап мағлубиятда эмас, йўқотилган очкода ҳам эмас, гап жамоадаги ички муаммолар ҳақида.

Сайтимиз орқали бундан аввалги мақолаларда жамоа 4 ойдан бери ҳеч қандай маош олмагани, овқатланиш ҳам аввалгидек эмаслиги ҳақида айтиб ўтган эдик. Ушбу сўзларимизни айримлар ёлғонга ҳам чиқаргандек бўлишди. Кеча учрашувдан сўнг Вадим Абрамовнинг ёрдамчи мураббийи Марат Мифтахутдинов фикримизга қўшилган ҳолда жамоадаги ички муаммолар ҳақида фикрини билдириб ўтди.

"Ҳа, биз чиндан ҳам оғир вазиятдамиз. Клубда ҳеч нарса йўқ, маош, овқатланиш, витаминизация ва ҳоказо. Раҳбарият ва юқоридагилар муаммони ҳал қила олмаяпти, бундан жамоа ва футболчилар жабр кўрмоқда. Клубда ва академияда кўплаб инсонлар фаолият юритади, меҳнат қилади. Бундай шароитда ишлаш уларга ҳам оғир. Йигитларни бир амаллаб АГМК билан ўйинга олиб тушдик, бизга керакли ўйин эди. Чунки совринли ўринлар учун курашмоқдамиз. Футболчилар машғулотга келмасликни айтишмоқда, бир томондан улар ҳақ. Яна нима қилишимиз керак, қандай йўл тутишимиз керак, ҳайронман. "Машъал" билан ўйинга ҳам бормаслигимиз мумкин эди. Бироқ футболчиларни бир амаллаб кўндирдик. Қачонгача бундай юрамиз. Ҳадеб кўндиравериш осон бўлмайди. Футболчилар қандай овқатланаётганига  қаранг, макарон, гречка ва картошка. Творог, витамин ва оқсиллар, улар ҳақида гап бўлиши мумкин эмас. 

Янги раҳбарият келганига бир ойдан ошди. Шу вақт ичида нимадир қилиш керак эди-ку. Ҳеч нарса ҳал бўлмади. У ерда қандайдир тушунарсиз ишлар кетмоқда, бундан фақат жамоа, футболчилар азият чекяпти. Жамоа пулсиз ва овқатсиз ўйнамоқда. Футболчилар ўз ишларини севишади, лекин қуруқ севиш билан бутун мавсумни ўтказиш қийин. Жамоа бу ҳолатда Қўқонга ҳам бормаслиги мумкин, футболчиларни ҳам тўғри тушунамиз. Инсонийлик томондан ҳам уларга тушунтиришга ҳаракат қиляпмиз. Билмадим, нима қилишга ҳам бошимиз қотган. Раҳбарият муаммоларни ҳал қилиши лозим. Улар шу пайтгача бир маротаба жамоа билан учрашди, ойлик йўқлиги, муаммоларни айтдик. Раҳбарлар ҳам билади-ку, ким қанча маош олаётганини. Одатда клубга келган янги инсонлар нимадир янгилик қилишга интилишади. Бизда эса сукунат, ҳеч нарса қилишни исташмаяпти. Жамоа ҳеч кимга керак бўлмай қолгандек кўринмоқда. Бундан кейин ҳам ўзгаришлар бўлмаса, бирон бир совринли ўринни эгаллашимиз қийин кечади. Футболчиларга нафақат жисмоний, балки руҳий томондан ҳам оғир. Ўйинларга тайёрлашимиз қийин кечади",- дейди Мифтахутдинов.

Юқоридаги гаплардан ёқа ушлайсан киши, ўзбек футболига кўп нарса бераётган ва бериб келаётган, терма жамоаларимизга футболчи етказиб беришда етакчи клублардан бири, бир вақтлар халқаро майдонда юртимиз шарафини муносиб ҳимоя қилган клуб бугунги кунда шундай аҳволда қолаётгани таажжублантиради. Тез орада муаммолар бартараф этилишига умид қилиб қоламиз. Зеро, "Бунёдкор" ўзбек футболига керак!

Абдулазиз Искандаров

Рейтинг: -7   

Фикрлар

championat.asia
< сўнгги янгиликларни кўриш
Яндекс.Метрика