"Бунёдкор" футболчилари қанчадан бери маош олишмаяпти?
22 авг 2021 11:11
Янгиликлар

"Бунёдкор" футболчилари қанчадан бери маош олишмаяпти?

"Қалдирғочлар" бош мураббийи Шуҳрат Мақсудов шогирдларининг маош олмасдан ўйнаётганига бир неча бор тўхталиб ўтган эди.

"Бунёдкор" бош директори Улуғбек Мирзаев Championat.asia журналисти Фахриддин Рўзиев билан суҳбатда жамоа аъзоларига 2 ойдан бери маош тўланмаганини маълум қилди. Тошкент клуби вакиллари охирги бор май ойи учун ойлик иш ҳақларини олишган.

Шунингдек, Мирзаев футболчилар ва ходимларни хавотир олмасликка чақирди:

"Хавотир олишга ўрин йўқ. Иқтисодий муаммолар барча даврларда бўлган эса-да, ҳали ҳеч ким харажатлар сметасини ёпмай қўймаган. Узилишлар, кечикишлар бўлса ҳам, футболчи ва ходимларимиз олдидаги қарздорликлар барибир тўланади".