"Қалдирғочлар" билан хайрлашган дарвозабон Жасур Умрзоқов фаолиятини Қирғиз Республикасининг "ОшМУ" жамоаси билан боғлашга қарор қилди. Клуб куни кеча расман ўзбекистонлик футболчи билан шартнома имзолаганини эълон қилди.
Бу жамоада ўзбекистонликлардан Отабек Мўминов, Исмоилжон Охунжонов, Рустам Қўчқоров, Марадона Сафаров, Хушнуд Бозоров, Шохруҳбек Муратов, Андрей Сидоров, Саидумар Содиқов каби футболчилар тўп тепади. Жамоани тажрибали мураббий Александр Бельдинов бошқармоқда.
