Ушбу мавсумда кўпчилик кутганидек "Бавария" жамоаси Германия чемпионлигини тантана қилди.
Хосеп Гвардиола жамоаси ушбу масалани март ойидаёқ ҳал этиб қўйишганидан хабарингиз бўлса керак.
Юрген Клоппнинг "Боруссия"си эса бу мавсумда бир қатор йўқотиш ва жароҳатлар гирдобида қолиб кетди. Мавсум аввалида жамоа 4-5 ўринларда ҳам юришга мажбур бўлган эди. Кўпчилик энди "Боруссия Д" ўзини ўнглай олмайди ва жамоа буёғига фақатгина ЕЧЛ йўлланмаси учун кураш олиб борса керак деган фикрни илгари сурганди. Албатта, Илкай Гюндоган, Субботич, Бендер, Хуммельс, Гросскройц, Шмельцер, Блашиковски, Шахин каби футболчиларнинг бир муддат сафдан чиқиши дортмундликлар учун қаттиқ зарба бўлди. Лекин "Боруссия Д" қўмондони Юрген Клопп бу қийин вазиятдан ҳам чиройли тарзда чиқиб кета олди. Тўғри, жамоа чемпион "Бавария"га кутилган рақобитни тақдим эта олмади. Аммо Дортмунд жамоаси чемпионатда иккинчи поғонага чиқиб олди ва Германия кубоги финалига ҳам йўл ола билди. "Боруссия Д"га иккинчи ўрин учун "Байер", "Вольфсбург", "Боруссия М" ва "Шальке" жамоалари етарлича қаршилик кўрсатишга уриниб кўришди.
Якунда "Бавария" биринчи, "Боруссия Д" иккинчи, "Шальке" учинчи ва "Байер" клуби тўртинчи ўринда чемпионатни якунлашди.
"Вольфсбург" жамоаси ҳар қанча уринмасин, лекин уларга Чемпионлар лигаси йўлланмасини қўлга киритиш насиб этмади.
Мёнхенгладбахнинг "Боруссия" клуби ҳам мавсумни бир текисда ўтказаётганди. Лекин чемпионат сўнггида уларда инқироз кузатилди. Кетма-кет йўқотилган очколар ўрнини тўлдириш уларга осон бўлмади ва якунда фақатгина Европа лигаси учун берилган йўлланмани қўлга киритишди.
"Айнтрахт Б" ва "Нюрнберг" жамоалари бундеслигани тарк этишга мажбур бўлишди. "Гамбург" клуби эса плэй-офф ўтиш босқичида иштирок этади.
Бундеслиганинг бу йилги карвони ҳам ўз манзилига етиб келди. Ушбу чемпионат якунлари ва қизиқарли маълумотлари ҳақида ҳали батафсил тўхталиб ўтамиз! Германия футболи ишқибозларини олдинда яна бир немисча футбол жангги кутиб турибди.
Ҳа, бу Германия кубоги финал учрашуви. Мавсумни ажойиб футбол беллашуви билан якунлаш учун бунданда кучли ва қизиқарлироқ баҳсни ўйлаб топиш жуда қийин бўлса керак. Демак 17 май куни "Боруссия Дортмунд" ва "Бавария" жамоалари Германия кубоги учун баҳс бойлашади!
Бундеслиганинг ушбу мавсумдаги сўнгги голини қария Пизарро киритди
"Бавария" чемпионлик байрамига чиройли тайёргарчилик қилишган
Корея терма жамоаси аъзоси Сон Хин Мин бу мавсумда "Байер"нинг етакчи футболчиларидан бири бўлди
"Альянц-Арена" жуда чиройли кўринишда
"Боруссия Д" футболчилари Левандовскини табриклашди
Германия чемпионати, 2013/2014 мавсум.
Турнир жадвали
| # | Жамоа | Ў | Ю | Д | М | УГ-ЎГ | Т-Н | Очк |
| 1 | БАВАРИЯ | 34 | 29 | 3 | 2 | 94-23 | 71 | 90 |
| 2 | БОРУССИЯ ДОРТМУНД | 34 | 22 | 5 | 7 | 80-38 | 42 | 71 |
| 3 | ШАЛЬКЕ | 34 | 19 | 7 | 8 | 63-43 | 20 | 64 |
| 4 | БАЙЕР | 34 | 19 | 4 | 11 | 60-41 | 19 | 61 |
| 5 | ВОЛЬФСБУРГ | 34 | 18 | 6 | 10 | 63-50 | 13 | 60 |
| 6 | БОРУССИЯ МЁНХЕНГЛАДБАХ | 34 | 16 | 7 | 11 | 59-43 | 16 | 55 |
| 7 | МАЙНЦ | 34 | 16 | 5 | 13 | 52-54 | -2 | 53 |
| 8 | АУГСБУРГ | 34 | 15 | 7 | 12 | 47-47 | 0 | 52 |
| 9 | ХОФФЕНХАЙМ | 34 | 11 | 11 | 12 | 72-70 | 2 | 44 |
| 10 | ГАННОВЕР | 34 | 12 | 6 | 16 | 46-59 | -13 | 42 |
| 11 | ГЕРТА | 34 | 11 | 8 | 15 | 40-48 | -8 | 41 |
| 12 | ВЕРДЕР | 34 | 10 | 9 | 15 | 42-66 | -24 | 39 |
| 13 | АЙНТРАХТ ФРАНКФУРТ | 34 | 9 | 9 | 16 | 40-57 | -17 | 36 |
| 14 | ФРАЙБУРГ | 34 | 9 | 9 | 16 | 43-61 | -18 | 36 |
| 15 | ШТУТГАРТ | 34 | 8 | 8 | 18 | 49-62 | -13 | 32 |
| 16 | ГАМБУРГ | 34 | 7 | 6 | 21 | 51-75 | -24 | 27 |
| 17 | НЮРНБЕРГ | 34 | 5 | 11 | 18 | 37-70 | -33 | 26 |
| 18 | АЙНТРАХТ БРАУНШВАЙГ | 34 | 6 | 7 | 21 | 29-60 | -31 | 25 |
Тўпурарлар
| # | Ўйинчи | Жамоа | Голлар |
| 1 | Роберт Левандовски | БОРУССИЯ ДОРТМУНД | 20 |
| 2 | Марио Манжукич | БАВАРИЯ | 18 |
| 3 | Йояиф Дрмич | НЮРНБЕРГ | 17 |
| 4 | Марко Ройс | БОРУССИЯ ДОРТМУНД | 16 |
| 5 | Роберто Фирмино | ХОФФЕНХАЙМ | 16 |
| 6 | Адриан Рамос | ГЕРТА | 16 |
| 7 | Шинжи Оказаки | МАЙНЦ | 15 |
| 8 | Раффаэл | БОРУССИЯ МЁНХЕНГЛАДБАХ | 15 |
| 9 | Штефан Кисслинг | БАЙЕР | 15 |
| 10 | Ивица Олич | ВОЛЬФСБУРГ | 14 |
| 11 | Томас Мюллер | БАВАРИЯ | 13 |
| 12 | Обамеянг | БОРУССИЯ ДОРТМУНД | 13 |
| 13 | Ласогга | ГАМБУРГ | 13 |
| 14 | Макс Круз | БОРУССИЯ МЁНХЕНГЛАДБАХ | 12 |
| 15 | Андре Хан | АУГСБУРГ | 12 |
| 16 | Хунтелаар | ШАЛЬКЕ | 12 |
| 17 | Адмир Меҳмеди | ФРАЙБУРГ | 12 |
| 18 | Антони Модест | ХОФФЕНХАЙМ | 12 |
| 19 | Кевин Фолланд | ХОФФЕНХАЙМ | 11 |
| 20 | Ҳакан Чалханоглу | ГАМБУРГ | 11 |
| 21 | Арьен Роббен | БАВАРИЯ | 11 |
| 22 | Салиҳович | ХОФФЕНХАЙМ | 11 |
| 23 | Чупо-Мотинг | МАЙНЦ | 10 |
| 24 | Ведад Ибишевич | ШТУТГАРТ | 10 |
| 25 | Франк Рибери | БАВАРИЯ | 10 |
| 26 | Алтинтоп | АУГСБУРГ | 10 |
| 27 | Сон Хин Мин | БАЙЕР | 10 |
| 28 | Марио Гётце | БАВАРИЯ | 10 |
| 29 | Хусти | ГАННОВЕР | 10 |
| 30 | Клаудио Пизарро | БАВАРИЯ | 10 |