Бугун Хитойда йил ўйини
03 ноя 2018 13:42
Янгиликлар

Бугун Хитойда йил ўйини

Хитой Суперлигасида нафақат турнинг, балки йилнинг энг муҳим учрашувларидан бири ўтказилади.

Турнир жадвалида биринчи-иккинчи ўринда бораётган жамоалар ўзаро баҳс олиб боришади. Чемпионат тугашига 3 тур қолганида бу ўйиннинг аҳамияти катта.

Тошкент вақти билан 16:35да старт оладиган беллашувда "Гуангжоу Эвергранд" ўз майдонида "Шанхай СИПГ"ни қабул қилади. Турнир жадвалида ҳамюртимиз Одил Аҳмедов тўп тепаётган "Шанхай СИПГ" 62 очко билан биринчи ўринда кетмоқда. Рақиб жамоа эса 60 очко тўплаб иккинчи ўринни эгаллаб турибди.

Бундан кўриниб турибдики, бугунги баҳс катта аҳамиятга эга. Агар "Шанхай СИПГ" меҳмонда ижобий натижа қайд этса, чемпионлик сари дадил қадам ташлайди. Жамоалар орасидаги фарқ 2 очко эканини инобатга олсак, ўйинга бўлган қизиқиш янада ошиши табиий.

Ҳавола :

Манба : championat.asia

Янгиликларни Телеграмда ўқинг!

Рейтинг: +12