Бугун "Қашқадарё вилояти ҳокими кубоги" мусобақаси старт олади

 2021 йилнинг 2 февралдан 8 февралгача белгиланган бир ҳафталик қизиқарли мусобақа  Қашқадарё вилоят футбол ассоциациясининг тақвим режасига асосан, Суперлига, ПРО-Лига, биринчи ва  иккинчи лига жамоалари ўртасида бўлиб ўтади. Жамоалар мусобақада “А” - “Нефтчи” (Жарқўрғон), “Косон” (Косон), “Жомбой” (Жомбой), “Насаф U-18” (Қарши), “Қашқадарё” (Қашқадарё в.) ва “В” - “Шўртан” (Ғузор), “Меҳнатчи” (Қарши), “АЗД” (Қарши), “Микрокредитбанк” (Тошкент), “Зирабулоқ” (Нарпай) гуруҳларида кураш олиб боришади. Учрашувлар Қарши шаҳрининг “Насаф” футбол мактаби ҳамда Ғузор шаҳрининг “Шўртан” футбол академияси сунъий қопламали футбол майдонларида бўлиб ўтади.

“Шўртан” жамоаси мазкур мусобақадаги биринчи учрашувида Қарши шахрининг “Меҳнатчи” жамоаси билан куч синашади. 

Ушбу учрашув 2021 йил 3 февраль куни Ғузор шаҳрининг “Академия” сунъий қопламали майдонида соат 11:00 да бошланади.