Бугун ЎФАнинг навбатдан ташқари ҳисобот-сайлов конференцияси ўтказилади
15 июл 2019 07:40
Янгиликлар

Бугун ЎФАнинг навбатдан ташқари ҳисобот-сайлов конференцияси ўтказилади

Бугун, 15 июль куни Тошкентдаги "Radisson Blu Hotel" меҳмонхонасида ЎФА навбатдан ташқари ҳисобот-сайлов конференцияси бўлиб ўтади.

Конференция кун тартибидан ЎФА президентини сайлаш масаласи ҳам ўрин олган. Мазкур конференция соат 15:00да Тошкентдаги "Radisson Blu Hotel" меҳмонхонасида бошланади.

Қайд этиш керакки, 2018 йилнинг 25 январидан буён ЎФА президенти сифатида Ачилбай Раматов ишлаб келмоқда.

Мазкур навбатдан ташқари ҳисобот-сайлов конференциясида Ачилбай Раматов ўрнига бошқа номзодлар кўриб чиқилади ва катта эҳтимол билан ЎФА президенти этиб янги раҳбар сайланади.

Эслатиб ўтамиз, 14 июнь куни ЎФАда Ижроқум йиғилиши бўлиб ўтган ва унда ЎФА биринчи вице-президенти Умид Аҳмаджонов ўрнига Равшан Эрматов вице-президент этиб сайланганди.

Айнан мазкур Ижроқум йиғилишида 15 июль куни ЎФАнинг навбатдан ташқари ҳисобот-сайлов конференцияси бўлиб ўтиши маълум қилинганди.

Ҳавола :

Манба : championat.asia

Янгиликларни Телеграмда ўқинг!

Рейтинг: +21