Бугун иккита жамоа ЖЧ-2018га чиқиши мумкин
08 окт 2017 18:27
Янгиликлар

Бугун иккита жамоа ЖЧ-2018га чиқиши мумкин

Бугун Европа ва Африка қитъасида 2018 йилги Жаҳон чемпионати учун саралаш баҳслари давом эттирилади.

Айни пайтга қадар Россияда ўтадиган мундиалда иштирок этувчи 13та жамоанинг номи маълум: Россия (мезбон), Бразилия, Эрон, Япония, Мексика, Бельгия, Жанубий Корея, Саудия Арабистони, Германия, Англия, Испания, Нигерия ва Коста-Рика.

Бугун тунда Европа ва Африка қитъасида ўтадиган саралаш баҳсларидан сўнг яна 2та жамоа юқоридаги рўйхатдан жой олиши мумкин.

Польша ёки Дания

Польяклар гуруҳда Даниядан 3 очко олдинда бормоқда. Адам Навалка шогирдлари бугун ўз уйида Черногория билан камида дуранг ўйнашса мундиалга йўл олишади. Агар Дания Руминияни юта олмаса хатто мағлубият ҳам Польшага йўлланмани тақдим этади.

Дания гуруҳда биринчи бўлиши учун қуйидаги ҳолатлар содир бўлиши керак: Ўзи Руминияни мағлуб этиши ва Польша Черногорияга ютқазиши.

Барча соатлар Тошкент вақти билан берилган:

Европа. "Е" гуруҳи
Дания – Руминия. 21.00
Қозоғистон – Арманистон. 21.00
Польша – Черногория. 21.00

Миср

Кеча Уганда терма жамоаси Гана билан ўйинда очко йўқотгани туфайли Миср бугун барча масалани ижобий ҳал қилиши мумкин. Бугун Муҳаммад Салаҳ шериклари ўз майдонларида Конгони мағлуб этишса кейинги йил Россияга боришади.

Африка. "E" гуруҳи
Миср – Конго. 22.00