Бугун футбол. Сафарда ютмаган "Пахтакор" ўз майдонида ютқазмаётган "Металлург" меҳмони бўлади

Турнир жадвалида "Пахтакор" 12 очко билан иккинчи ўринда бормоқда. "Металлург" ҳисобида 9 очко бор ва бекободликлар 5-ўринни эгаллаб туришибди. 

Ҳозирча олтита ўйинда майдонга тушган "Пахтакор" шундан тўрттасида ғалаба қозонди ва барча ғалабалар уйдаги баҳсларда қўлга киритилди. Қизиғи шундаки, "Пахтакор" ҳали сафарда ғалаба нашидасини сургани йўқ. 

Агар бугун Шота Арвеладзе шогирдлари Бекободда зафар қучса бу жамоанинг сафардаги илк уч очкоси бўлади. 

Биласизми? "Пахтакор" ҳали сафарда гол ургани йўқ, чунки "Бунёдкор" ва "Бухоро" билан кечган баҳсларда 0:1 ҳисобида имкониятни бой берди. Қолаверса, "Пахтакор" сафарда икки бор пенальти тепишга муваффақ бўлди, бироқ иккаласидан ҳам фойдалана олмади. 

"Металлург" ҳақида гапирадиган бўлсак, бу жамоа мавсумнинг кетма-кет бешта ўйинида ютқазмади: учта дуранг ва икки ғалаба. "Металлург" бу йил ўз майдонида анча яхши ҳаракат қилмоқда. Жамоада тўплар нисбати 3-0, демак "Металлург" ўз уйида ҳали гол ўтказгани йўқ.