Бугун футбол. "Навбаҳор" - "Бунёдкор"
27 май 2017 14:06
Янгиликлар

Бугун футбол. "Навбаҳор" - "Бунёдкор"

Бугун олий лиганинг 12-туридан ўрин олган яна учта учрашув бўлиб ўтади. "Бунёдкор" Наманганда "Навбаҳор" меҳмони бўлади. Ўйин 19:00да бошланади.

Ўйиндан нима кутяпмиз? Бу жамоаларнинг ўзаро тўқнашувида кимнинг ғалаба қозонишини айтиш қийин. Лекин баҳс жуда қизиқарли кечиши кутилмоқда. Негаки иккала жамоа ҳам охирги ўйинларда ғалаба қозона олмаяпти.

Факт: "Навбаҳор" уйдаги ўйинларда 12 очко тўплаган. Жамоа учта ўйинда ғалабага эришган бўлса, яна шунча марта дуранг ўйнаган. Тўплар нисбати 8-5. "Навбаҳор" ўз майдонида "Обод", "Машъал" ва "Шўртан" клубларидан устун келган.

Биласизми? "Навбаҳор" ўз майдонида ҳали мағлуб бўлмаган тўртта клубдан бири ҳисобланади. Шунингдек, "Локомотив", "Насаф", "Олмалиқ" клублари ҳам уйда ютқазмаган.

Факт: "Навбаҳор" охирги учта ўйинни дуранг натижа билан якунлади. Жамоа охирги марта 22 апрель куни "Шўртан"ни 1:0 ҳисобида мағлуб этган.

Факт: Бу "Бунёдкор"нинг ушбу мавсум ҳисобидан водийга иккинчи сафари бўлади. Биринчи сафарда "Бунёдкор" "Нефтчи"ни 2:1 ҳисобида мағлуб этиб қайтган. Қолаверса, мазкур ғалаба "Бунёдкор"нинг сафар ўйинларидаги ягона ғалабаси бўлиб турибди.

Биласизми? "Бунёдкор" Фарғонада ғалаба қозониб қайтганидан бери кетма-кет бешта учрашувда юта олмади. Жамоа уч бор дуранг ўйнаган бўлса, икки марта мағлуб бўлди. Қолаверса, иккала мағлубият ҳам сафардаги ўйинларда рўй берди.

Ҳавола :

Манба : Championat.asia

Янгиликларни Телеграмда ўқинг!

Рейтинг: -7