Бугун футбол. "Бухоро" - "Пахтакор"
05 ноя 2018 14:37
Янгиликлар
![](https://championat.asia/upload/storage/461272_original.jpg)
![](/upload/storage/461272_220.jpg)
Бугун футбол. "Бухоро" - "Пахтакор"
"Пахтакор" сафарда "Бухоро" меҳмони бўлади. Турнир жадвалида "Пахтакор" иккинчи ўринни эгаллаб турибди. "Бухоро" эса юқори олтиликнинг 6-поғонасидан муқим жой олган.
Бугунги ўйинда имконият кўпроқ "Пахтакор" томонидагидек. Негаки жамоа сафарда яхши ўйин кўрсатяпти. Қолаверса, "Бухоро" ҳозир муаммолар гирдобига тушиб қолган. "Бухоро" биринчи босқичда яхши ўйин кўрсатиб келаётганди, аммо иккинчи давра бошланганидан бери фақат битта ўйинда ғалаба қозонганини ҳисобга олмасак, бешта учрашувда мағлуб бўлди.
Бухорода бўлиб ўтган биринчи босқич беллашувида майдон эгалари зафар қучишганди. Эсингизда бўлса, ўшанда "Пахтакор" ҳужумчиси Исмоил Гонсалвеш пенальтидан тўп кирита олмаган. "Пахтакор" бунгача сафарда кетма-кет иккита ўйинда ғалабага эришди. Жамоа "Металлург"ни 3:0, "Бунёдкор"ни эса 2:0 ҳисобида мағлуб этди.
"Бухоро" бугунги рақибига жиддий қаршилик кўрсата оладими? Бир нарса дейиш қийин. Бир томондан бухороликларга ҳам очко керак, лекин иккинчи томондан жамоадаги кайфиятни зўр деб бўлмайди. "Бухоро" ўтган тур ўз майдонида "Бунёдкор"га ютқазиб қўйди. Бунгача "Локомотив"га ҳам имкониятни бой берганди. Бугун нима бўлишини эса ўйин давомида билиб оламиз.
Ўхшаш янгиликлар
![AMP Logo](https://championat.asia/image/logo-amp.png)
Фикрлар