Бугун 16:00. Ўзбекистон U16 - Яман U16
29 сен 2013 08:51
Янгиликлар

Бугун 16:00. Ўзбекистон U16 - Яман U16

Бугун Темур Олимхўжаев бошчилигидаги Ўзбекистон ўсмирлар терма жамоаси Осиё чемпионати саралаш баҳсларининг иккинчи учрашувини ўтказади.

1998 йилда туғилган футболчилардан тузилган терма жамоамиз бугун Яман ўсмирларига қарши "Жар" стадионида майдонга тушади.

Гуруҳда учта жамоа иштирок этиши ва Осиё чемпионатига бу гуруҳ учун битта йўлланма ажратилганини эслатиб қўймоқчимиз. Яъни, гуруҳ ғолибигина қитъа чемпионатига йўл олади.

1-турда Яман ўсмирлари Фаластин устидан 3:1 ҳисобида зафар қучганди. 2-турда Фаластин Ўзбекистонга 0:9 ҳисобида мағлуб бўлди.

Шу боис, бугунги ўйинда Олимхўжаев шогирдларини дуранг ҳам қитъа чемпионатига олиб чиқади, аммо барчамиз ўсмирлардан фақат ғалаба кутамиз.

Барча футбол ишқибозларини ушбу ўйинга таклиф қиламиз. Келинг ва ўсмирларимизни қўллаб-қувватланг.

U-16 Осиё чемпионати-2014 саралаш
«В» саралаш гуруҳи
25 сентябрь, чоршанба
ЯМАН – ФАЛАСТИН 3:1

27 сентябрь, жума
16:00 - ФАЛАСТИН - ЎЗБЕКИСТОН 0:9

29 сентябрь, якшанба
16:00 - ЎЗБЕКИСТОН - ЯМАН

Ҳавола :

Манба : championat.asia

Янгиликларни Телеграмда ўқинг!

Рейтинг: