Бруно Коэльо: "Гуруҳ босқичида уч хил ўйин намойиш этдик"

"Марокашга қарши қизиқарли, шу билан бирга, қийин ўйин ўтказдик. Рақиб жамоа бизга етарлича қийинчиликлар туғдира олди. Менимча, натижа адолатли бўлди. Мақсадимиз сари олға қадам босишда давом этамиз.

Умуман олганда, гуруҳ босқичидаги барча ўйинлар мураккаб бўлди. Учта ўйинда уч хил ўйин намойиш этдик.

Нимчорак финалдаги рақибимиз Қозоғистонга қарши қийин кутиб турибди. Уларда индивидуал маҳоратга эга ўйинчилар кўп. Биз бор кучимизни ишга солишимиз керак. Энди бор эътиборимизни ушбу ўйинга қаратамиз. Ҳозир чемпионлик ҳақида ўйлаш вақти эмас", деди дубль муаллифи.

Эслатиб ўтамиз, Португалия гуруҳдаги барча ўйинда ғалаба қозониб, пешқадам сифатида нимчорак финал йўлланмасини қўлга киритди. Ушбу босқичда Хорхе Браз шогирдлари Қозоғистон билан тўқнаш келади.

Оқил Абдубарноев суҳбатлашди.