BREAKING: “Женоа” клуби Championat.asia'даги хабарни тасдиқлади
30 сен 2020 19:57
Янгиликлар

BREAKING: “Женоа” клуби Championat.asia'даги хабарни тасдиқлади

Бироз олдин, “Ростов” форварди Элдор Шомуродов эртага, 1 октябр куни “Женоа” билан шартнома имзолаши ҳақда хабар бергандик.

“Женоа” спорт директори Даниэле Фажиано ўзбекистонлик ҳужумчининг трансфери тез фурсатларда амалга ошишини тасдиқлади.

“Битим шартлари бўйича келишиб олдик. Ўйлайманки, Шомуродов яқин вақт ичида Италия учиб келади. Бу тез орада юз беради деб умид қиламан”, дея айтган Фажиано.

Олдинроқ "Женоа" ўзбекистонлик футболчи учун 7,5 миллион евро тўлаши ва Шомуродовнинг ўзи йилига 600-700 минг евро маош олиши ҳақида хабарлар чиққан эди.

Эслатиб ўтамиз, Шомуродов 2017 йилнинг ёзидан бери "Ростов" шарафини ҳимоя қилади. Элдор Россия клубида умумий барча мусобақаларда 91та ўйинда майдонга тушиб, 18та гол ва 12та ассист қайд этган.

Маълумот ўрнида, генуяликлар А Серия жорий мавсум 2 туридан кейин 3 очко тўплаган ҳолда 12-ўринда бормоқда.

Эшитдик-да! Элдор Шомуродов эртага "Женоа" билан шартнома тузади

Ҳавола :

Манба : Championat.asia

Янгиликларни Телеграмда ўқинг!

Рейтинг: +154