Ботирали Эргашев: “МТЖда рақобатдан қўрқмайман”

Машғулотдан сўнг илк маротаба МТЖга йиғинига чақирилган Ботирали Эргашев ўз фикрларини билдириб ўтди.

“Ўзбекистон миллий терма жамоасига таклиф қилинганимдан хурсандман. Миллий терма жамоа ўсишимиз учун катта туртки бўлади. Таассуротлар аъло даражада. Дунё таниган футболчиларга қарши тўп тепишни ўзига яраша гашти бор. Шунга яраша биздан яхши тайёргарлик кўриш талаб этилади. Марокаш, Сенегал ва бир қанча кучли терма жамоаларга қарши ўйинлар жамоамизни ўсишига сабаб бўлади. 

Суперлиганинг 3-турида “Локомотив”га қарши учрашувдан сўнг, турнинг рамзий терма жамоасидан олдим. Бу мен учун кутилмаган совға бўлди. Бу нарсалар билан чекланиб қолмасдан ўз устимда янада кўпроқ ишлашим керак. Мен терма жамоага бир нарсани мақсад қилиб келдим. Ўйиним ўсишини истайман. Чунки, Нестеров ва Элдор Суюнов ўзига яраша тажрибали дарвозабонлар. Рақобат бор жойда ўсиш бўлади. Рақобатдан қўрқмайман”, - дейди Ботирали Эргашев

Жаҳонгир Сотволдиев ёзиб олди