"Боруссия" Беллингемнинг маошини 2,5 бараварга оширмоқчи

Маълумотларга кўра, немис жамаоси футболчини камида яна бир мавсум жамоада олиб қолмоқчи. Бунинг учун футболчининг маошини 2,5 бараварга ошириш - 15 млн. еврога етказиш керак бўлади. "Боруссия" спорт директори Себастьян Кель Жуд ва унинг отасига муносиб таклиф юбормоқчи.

Катта эҳтимол билан Беллингем ёзда жамоани тарк этади. Унинг кейинг жамоаси "Реал" бўлиши кутиляпти.

Ярим ҳимоячининг "Қироллик клуби"га ўтиши Тони Кроос ёки Лука Модричнинг жамоада қолиш-қолмаслигига боғлиқ. Агар иккала футболчи ҳам "Реал" билан шартномани узайтирса, "Боруссия"да Беллингемни сақлаб қолиш учун имкониятлар кўпаяди.

"Реал"дан ташқари Жудга "Ливерпуль" ва "Манчестер Сити" қизиқиш билдирмоқда.