"Болонья" бугун "Динамо"дан Моронинг ижарасини расмийлаштиради ва Шомуродовнинг трансферига қайтади

24 ёшли хавбекнинг "Болонья"га ўтиши бугун расмийлаштирилиши кутилмоқда.

Итальян клуби футболчини бир мавсумга ижарага олади. Битимга харид қилиш ҳуқуқи қўшилади.

"Болонья" шунингдек "Рома" форварди Элдор Шомуродовнинг трансфери устида ҳам ишлашда давом этмоқда.

Клуб римликларнинг Ўзбекистон терма жамоаси ўйинчиси борасидаги молиявий талабларини пасайтиришини кутмоқда.