Бобур Йўлдошев: “Бу йил 3та кубокни ютиш вазифаси қўйилди”

Бу ерда ҳам қисқа муддатли йиғиндан сўнг ТуркиянингАнталия шаҳрига учиб кетишганди. Ҳозир “темирйўлчилар” ОЧЛ гуриҳ босқичига жиддий тайёргарлик кўрмоқда. Бу ҳақида жамоа футболчиси Бобур Йўлдошев фикр билдирди.

“Айни дамда тайёргарлик аъло даражада ўтмоқда. Кунига икки маҳалдан машғулот ўтказяпмиз, кўпроқ жисмоний ҳолатимизга ва тактикага эътибор қаратяпмиз.
Анталиядаги йиғинимизда биз учун барча шарт-шароитлар, стадион, тренежер зали барчаси яратиб берилган. Барча мураббийларнинг ўзини тактикаси бор, мураббийимиз танлаган тактикада биз ҳам тинмай ишлаяпмиз.

ОЧЛда гуруҳ босқичидаги рақибимизни яхшилаб ўрганиб чиқяпмиз. Бу йил олдимизга 3 фронтда ғолиб бўлиш вазифаси қўйилган. Ўзбекистон кубоги, Ўзбекистон чемпионати ва ОЧЛ шулар жумласидандир. Буларни қўлга киритиш осон бўлмаслигини барчамиз яхши тушуниб турибмиз. Жамоадошларим билан бу йил чемпионликни сақлаб қолиш ва ОЧЛда муваффақиятли иштирок этишга ҳаракат қиламиз”, - дейди Бобур Йўлдошев.