Бобир Абдихолиқов – Беларусь чемпионатида апрель ойининг энг яхши футболчиси!

Sherzod Nurmatov

8 май 2022, 20:19

Беларусь нашрлари журналистлари овозига кўра "Энергетик-БГУ" ҳужумчиси Олий лигада ўтган ойнинг энг яхши ўйинчиси деб топилди.

Ҳамюртимиз апрель ойи давомида "Энергетик-БГУ" таркибида 5 та ўйинда майдонга тушиб, рақиблар дарвозасини 4 марта ишғол қилди ва шерикларини 1 та голли пас билан таъминлади.

Абдихолиқов чемпионат давомида 8 та тўп киритиб, айни пайтда тўпурарлик пойгасида етакчилик қилмоқда.

Беларусь чемпионати тўпурари Бобир Абдихолиқов: "Бир умр марказий ҳужумда ҳаракатланганман, аммо "Рух" бош мураббийи мени ўнг қанотга қўйди..."