UZ

Сўнгги янгиликлар

23:59"Тоттенхэм" йирик миқдорда қарз олди  0 23:50"Ўзбекистон миллий терма жамоасида бош мураббий алмашиши мумкин!" – Шаҳбоз Беғамов  19 23:39"Футбол ретро талқинда" (51-сон)   0 23:32Иньеста: "Мукаммал футболчида Роналду ва Рамоснинг ҳам хусусиятлари бўлиши керак"  3 23:07"Ювентус" 12 июнда "Милан" билан тўқнаш келади  0 22:49"Аталанта" "Челси" футболчисини харид қилди  0 22:38"Локомотив" машғулотларга қайтди  4 22:31"Монако"га Льоренте керак  0 22:10Роберто "Барселона"ни тарк этишга тайёр, аммо "Ювентус"га ўтмайди  5 21:50Павлюченко: “Кейн ноль эди”  5 21:42"Бунёдкор"нинг икки асосий футболчиси жароҳат олган. Улар икки кундан буён машғулотларда қатнашишмаяпти  7 21:25Роналду тез югуриш учун янги усулни синаб кўрмоқда  14 21:05Ибрагимович 13 июнь куни “Ювентус”га қарши жавоб ўйинида қатнашадими?  0 20:50“Боруссия Д” спорт директори: “Тан олиш керак, энди уларга етиб бўлмайди”  2 20:35Касильяс “Олтин тўп”га лойиқ бўлган ҳамюртларини санади  5

Бир ўйин тарихи. ОФК кубоги доирасидаги Фарғонада бўлиб ўтган ҳозирча сўнгги учрашув Янгиликлар

Бир ўйин тарихи. ОФК кубоги доирасидаги Фарғонада бўлиб ўтган ҳозирча сўнгги учрашув

Сир эмаски Фарғонанинг “Нефтчи” жамоаси ўзининг энг ёрқин дамларини мутахассис Юрий Саркисян даврида ўтказган.

Унинг бошқарувида клуб ички чемпионатда совриндорлар қаторидан жой олиш баробарида халқаро миқёсдаги учрашувларда ҳам ёмон кўрсаткич қайд этмасди.Аммо, ўта ҳунук тарзда жамоадан ҳайдалган Саркисяндан сўнг клубнинг ишлари ортга кета бошлади.

Фарғонадаги эски стадионнинг ўзгача файзи бор ўйингоҳ клублар иштирокидаги халқаро ўйинларни бошқа қабул қилмади. Сўнгги маротаба стадион 2012 йил ОФК кубоги доирасидаги баҳсга мезбонлик қилганди.

Унда “Нефтчи” Ҳиндистоннинг “Салгаокар” клубини қабул қилганди. Фарғоналиклар 2011 йил Олий Лигада тўртинчи ўринни эгаллаб ОЧЛдан кейинги ўринда турувчи мусобақага йўлланмани қўлга киритганди. Эсингизда бўлса ўша вақтларда Ўзбекистон учун ОФК кубогига ҳам маълум бир квоталар ажратиларди. Ҳозирга келиб эса фақат ОЧЛ учунгина квоталар тақдим қилинмоқда. У ҳам йилдан йилга камайиб бораётганини айтиш жоиз.

Хуллас, қуръага кўра юртимиз шарафини ҳимоя қилаётган “Нефтчи” “D” гуруҳида “Ал-Виҳдат” (Иордания), “Ал-Оруба” (Уммон), “Салгаокар” (Ҳиндистон) жамоалари билан гуруҳдан чиқиш учун курашишни бошлади. Кейинги босқич йўлланмасини қўлга киритиш учун сўнги турда ғалаба қозониш ёки дуранг қайд этиш талаб этиларди. Чунки, бу пайтга келиб вакилларимизда 8 очко тўплаб навбатдаги раунд масаласини деярли ижобий томонга ҳал қилиб қўйишганди. Охирги турдаги ғалаба эса ортиқча гап сўзга, ҳисоб-китобга ўрин қолдирмасди. Рақибда эса йўқотадиган ҳеч нарсаси йўқ эди.

2012 йилнинг 8 май куни “Марказий” стадионга 14 мингдан ошиқ мухлислар ўз суюклиларини қўллаб-қувватлаш учун ташриф буюришганди. Стадионда ҳақиқий футбол муҳити юзага келганди. Ҳозирда кўпчилик ўша дамларни қўмсаши табиий. Энди Саркисян давридаги жамоа қайтмаса керак.

Учрашувдаги биринчи гол ишқибозларни кўп куттирмади. Ҳакам ҳуштаги янграши билан тезкор ҳужумга ўтган мезбонлар биринчи дақиқада Павел Смоляченконинг тезкор голи эвазига ҳисобни очишади. Ушбу футболчи кейинчалик ҳам “Нефтчи”да тўп тепди. Фаолияти давомида легионер сифатида ҳорижда тўп тепди, Бекободнинг “Металлург” жамоасида тўп тепди. Биринчи бўлимда дарвозаларга бошқа тўп киритилмади. Иккинчи бўлимнинг 50-дақиқасида Смоляченко яна бир рақиб посбонини безовта қилишга мажбур бўлди ва иккинчи тўпни киритди. Ўйинда етакчиликни қўлига олган Саркисян шогирдлари 77-дақиқада учинчи голни уриб амалда ўйин тақдирини узил-кесил ҳал қилди. Гол муаллифи – Анвар Бердиев. Маҳоратли ҳужумчи 2012 йил жамоадаги сўнги мавсумини ўтказади. Йил якунида 19та гол билан Олий Лига тўпурари бўлган Бердиев 2013 йил “Бунёдкор” жамоасининг таклифини қабул қилди ва Тошкентга йўл олди.

Ҳа, бугун биз ёдга олган ОФК кубоги баҳси ҳозиргача Фарғона мезбонлигида ўтган сўнги халқаро баҳс бўлди. Сабаби "Нефтчи" битта учрашувдан иборат 1/8 финални "Арбил"га қарши сафарда ўтказиб мағлуб бўлиб мусобақани тарк этади. Ўша мавсумдан сўнг “Нефтчи”нинг ишлари ортга кета бошлади, турнир жадвалида қуйи ўринга шўнғиди. 2013 йил “Гулистон” билан баҳсдан сўнг Саркисян истеъфога чиқарилди. Афсуски, 2012 йил “Нефтчи”нинг халқаро майдонда иштирок этган сўнгги мавсуми бўлди.

ОФК кубоги. Гуруҳ босқичи. 6-тур
“Нефтчи” (Ўзбекистон) – “Салгаокар” (Ҳиндистон) 3:0
08.05.2012. Фарғона Қиргули, “Марказий” стадион. 14000 томошабин.
Бош ҳакам
: Муҳтар Ал Ярими (Сурия)
Голлар: Павел Смоляченко 1, 50 Анвар Бердиев 77.
“Нефтчи”: Ҳислат Чилматов, Шавкат Насибуллаев, Муҳсин Низомиддинов, Иқбол Бобохонов, Ғайрат Жумаев, Сардор Мирзаев (Отабек Исроилов, 85), Шерзод Ҳакимов, Павел Смоляченко (Иззат Ғаниев, 67), Анвар Бердиев, Фаҳриддин Холмуродов, Сардор Соибов, Анвар Бердиев.
Бош мураббий: Юрий Саркисян.




Абдулазиз Искандаров тайёрлади

Видеони тақдим этгани учун Баҳодир Мирзаевга миннатдорчилик билдирамиз

Рейтинг: +10   

Фикрлар

+2   
19 апр 00:43:08
Farg'ona_0707
BIZ ALBATTA QAYTAMIZ SUPPER LIGAGA ISHONEVERING NEFTCHI SINMAYDI
+1   
18 апр 22:23:50
piramida
Чинорларсиз Фарғона, Нефтчисиз суперлига... эххх
   
19 апр 18:53:06
Dima6633
Yuriy sarkisyanni Neftchiga ko'p yillik mehnati singan edi yuriy sarkisyanga nisbatan hurmarsizlik qilishdi. Menimcha uni dili qattiq og'rigani neftchini ishi yurishmaganiga sabab bo'lsa kerak. Neftchini super ligaga Ara qaytara olsa kerak. Undan neftchi fc uzr so'rashi kerak. Ko'p yillik mehnati hurmati qilishib istefoga chiqarishmadi.
   
19 апр 07:23:17
Aspire
Òtkan yili mettalurg & agmk òyinida kalla qòygan Shavkat Nasibullayev Neftchida òynagan ekan 2012 yil...
   
18 апр 21:46:51
Umid Karimov
Ээээээххххх бизнинг НЕФТЧИЖОН согиндикуууу ФАРГОНА уша кунларди
   
18 апр 21:00:00
ForcaBarca.
Тезликни каранг . Арани тарбияси.
   
18 апр 20:51:09
Zinurjan
Эх Нефтчи тезрок кайт Пахтакор мухлиси
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг