Бэйлнинг агенти: “Гарет “Реал”дан кетмайди”

“Гарет билан ҳаммаси жойида. Унинг “Реал” билан келишуви яна икки йил амалда бўлади. Унга Мадридда ҳамма нарса ёқаяпти, шу сабаб у ҳеч қаерга кетмайди. Мадриддаги барча футболчилар сингари у ҳам яхши ҳолатда. Албатта, Гаретнинг хизматларига бир қатор клублар қизиқиш билдиришмоқда. Аммо унинг талабларини қондира оладиган дунёда бошқа бирор клуб бор деб ҳисобламайман. Гарет “Реал”дан кетмайди”, дея Барнеттнинг сўзларидан иқтибос келтирмоқда ВВС.

Эслатиб ўтамиз, илгарироқ   Бэйл 2019/2020 йилги мавсумда мухлислар талқинига кўра “Реал”нинг энг ёмон футболчиси деб топилган. У жорий мавсумда қироллик клуби сафида 16 та учрашувда майдонга тушиб, 2 та гол урди ва 2 та голга ҳаммуаллифлик қилди.