"Бешиктош" бош мураббийи Шенол Гюнеш ярим ҳимоячи Деле Аллининг ҳаракатларидан норозилигини билдирди.
"Аввалига ўйинчиларга таъсир ўтказа олмадим, ҳозир уларга бемалол гапира оламан. Деле Алли билан ҳалигача умумий тил топиша олмадик. Келинг, уни футболчи сифатида муҳокама қилмайлик. Фақат шуни айтишим мумкинки, мен ундан кўпроқ самарадорликни кутяпман", – деди туркиялик мураббий.
Алли ўтган ёзда ижара асосида "Эвертон"дан "Бешиктош"га ўтган эди. 26 ёшли хавбек Туркия Суперлигаси жорий мавсумида 7 та ўйин ўтказиб, 1 та гол урган.
