Бензема: "Роналдо билан мени таққослаганда у Формула-1 бўлса, мен картинг"

Илгарироқ Бензема Жиру ҳақидаги саволларга жавоб бера туриб, “Формула-1 билан картингни адаштирманг” дея жавоб қайтарганди.

“Мен шунчаки ҳақиқатни айтгандим. Аммо ҳамма бошқа бир жиҳатни – унинг терма жамоа сафидаги фойдали ҳаракатларини унутмаслик керак. Ҳа,” мен Формула-1, у картинг” деб айтганман. Аммо бу ҳақиқат. Бу мен ўйлаган нарса. Агар мени бразилиялик Роналдо билан таққосласак, унда у Формула-1, мен эса картингдаги ҳайдовчиман. Бор гап шу”, дея Бенземанинг сўзларидан иқтибос келтирмоқда AS нашри.

2015 йилдан буён Бензема жамоадоши Матьё Вальбуэена билан боғлиқ можароларга аралашиб қолгани учун терма жамоага жалб этилмайди. Оливье Жиру эса ўз навбатида 2018 йилги ЖЧда терма жамоаси билан чемпионликни қўлга киритган.