"Беллингем майдонда жуда етук кўринади" — Клопп
26 дек 2022 12:57
Янгиликлар

"Беллингем майдонда жуда етук кўринади" — Клопп

"Ливерпуль" бош мураббийи Юрген Клопп Англия терма жамоаси ва Дортмунднинг "Боруссия" клуби ярим ҳимоячиси Жуд Беллингем ҳақида фикр билдирди.

Аввалроқ мерсисайдликлар футболчига асосий даъвогарлардан бири экани хабар қилинганди.

"Беллингем – ажралиб турадиган ўйинчи, у Жаҳон чемпионатини ажойиб ўтказди. Жуд майдонда жуда етук кўринади, гўё у 19 эмас, 28 ёшда. Ҳамма унинг нималарга қодирлигини билади, лекин молиявий жиҳатдан қандай келишув бўлишини тасаввур ҳам қила олмайман", – деди Клопп.

Беллингем 2022/23 йилги мавсум Дортмунднинг "Боруссия" жамоаси сафида 22 та ўйинда майдонга тушиб, 9 та гол урди ва 3 та голли узатмани амалга оширди. 2022 йилги Жаҳон чемпионатида у Англия терма жамоаси сафида 5 та ўйинда қатнашиб, 1 та тўп киритди ва 1 та голли пас узатди.

Transfermarkt.com портали ярим ҳимоячининг трансфер қийматини 110 миллион еврога баҳоламоқда.

Ҳавола :

Манба : The Guardian

Янгиликларни Телеграмда ўқинг!

Рейтинг: +3