Бельгия терма жамоасининг етакчи футболчиси сардорликни талашган Тибо Куртуани танқид қилди

"Биз нима бўлганини озми-кўпми тушундик. Биз мураббий билан гаплашдик, лекин терма жамоанинг ёши катта футболчилари ҳали Тибо билан гаплашиш имконига эга бўлмадик.

Бироқ унинг муносабатидан ҳафсаламиз пир бўлди. Ахир у жамоанинг бир қисми, уч нафар сардордан бири. Боғич – шунчаки атрибут. Сиз ўз индивидуал жиҳатларингиз билан лидер эканлигингизни кўрсатишингиз керак. У кетишга қарор қилди. Тиззасида жароҳати борми ёки йўқ, биз билмаймиз. Аммо унинг кетишига сабаблардан бири сардорлик боғичи эди", – деди Карраско.

Эслатиб ўтамиз, Тибо Куртуа Австрия билан ўйиндан сўнг Бельгия терма жамоаси қароргоҳини ўзбошимчалик билан тарк этган эди.