“Базель” бош мураббийи: “Манчестер Юнайтед” биздан ҳар томонлама кучли”
12 сен 2017 02:55
Янгиликлар

“Базель” бош мураббийи: “Манчестер Юнайтед” биздан ҳар томонлама кучли”

Швейцариянинг “Базель” клуби бош мураббийи Рафаэль Вики “Олд Траффорд”да ўтадиган ЕЧЛ доирасидаги “Манчестер Юнайтед”га қарши учрашув олдидан ўз фикрлари билан ўртоқлашди.

“МЮ” — гуруҳимиз фаворити. Бу фантастик жамоа. “Қизил иблислар” супер трансферларни амалга оширишди. Ишончим комил, “Манчестер Юнайтед” гуруҳ ғолиби сифатида плей-оффга йўлланма олади.

Тан олиш керак, айни пайтда “Юнайтед” биздан ҳар томонлама устун. Ёзги трансферларни инобатга олмаган ҳолда ҳам улар сезиларли даражада кучлилар”, — дейди “Базель” бош мураббийи УЕФА расмий сайтига берган интервьюсида.

Эслатиб ўтамиз, “Манчестер Юнайтед” - “Базель” учрашуви бугун бўлиб ўтади.